لعشاق الشعر الملحون

من طرف waHab الإثنين مارس 29, 2010 6:56 am

[b]السلام عليكم أحبتي الكرام
كما أحببت لنفسي من خلال قراءة وجمع الشعر الملحون
أردت أن أقدم هاتين القصيدتين الرائعين كهدية لكل محب مثل
النوع من الشعر الملحون

الــــــــدشــــــــــــــــــــــرة

ابقاي على خير يا هذا الدشرة*******لي غاشيها غير فلان و فلان
راني حالف مانولي ذا المرة*********و لو نموت في صحرا عطشان
نعشر بر الروم و بلاد الكفرة*********و لا نعيشر بر ش....و الرعيان
لحديث تنوفيق و الضحكة صفرة ******و الصحبة تحيا و تفنى بالقضيان
بلسانو يعطيك قنطار مصرة**********و الحيلة متلبدة تحت البيطان
بالرشوة تلقاه ماشي للعمرة*********و يصلي في البيت في آخر رمضان
و يولي بكلاح و عباية صفرة***********و يعطيها للزور و كلام البهتان
يحلفلك ليمين قداه مرة *************و يحلف بالكعبة و يحلف بالقرآن
و يحرم البزوز و يحرم لمرا*************و غير يصد عليك تلقى كذبو بان
أبقاي على خير ياهذا الدشرة **********للي يحكمها غير الجاهل و الخوان
تلقى لي ملو غبار السبورة ************للسياسة داخلين بلا سلطان
المرفوعة تاليتــها مجرورة*************و العطف يوروه غير لفلان و فلان
و الفعل المجهول مبني على للكسرة*************و اسماء الخمسة يديرو ليهم
شان
تلقى المير ....و النايب .....**************و المجلس تعبان يختل في تعبان
ما تفرز أمي على واحد يقرا**************و لا تفرز صاحي على واحد سكران
كي تسمع لحديثهم عند الهدرة*************تقول أنت لبطال هاذو و الشجعان
لو تعجنهم ما يجو في صاق مرا***************و لو توزنهم ما يوفولك ميزان

[b]قصيدة الأم لشاعرنا الجلفاوي الكبير " رابح عبد
اللاوي " قصيدة بلسان دارج باللغة العامية الجلفاوية الأصيلة ..
قصيدة أعتقد جازما أنها من أحسن ما قيل في الأم فصيحا وعاميا .. والقول لكم
...
وأعد كل من أعجب بالقصيدة أن أكمل إعجابه بإذن الله لأوافيه بالقصيدة ملفا
صوتيا ..

بـــســـم الله نــبـــــدا كــــلامي ونظم
_________ والصلاة عــــلى الـــنـــبي طـه العدنان
محمد شفيعنا يـــــــــــــــــوم المعزم [b]_________ [/b]
وصــحــــــــــابو والآل رجـال ونسوان
يـــــــــــــــــا رب ياخالقي وانت تعلم [b]_________ [/b] ســــهـــل لي
لــــكلام وف لـي لوزان
هــــــــــــــــذي لقصيدة نظمها ع الأم [b]_________ [/b] بلا كش ترضى علي
يـــــــــــــا حنان
شـكـــــــــــــــــون عليها ينجم يتكلم [b]_________ [/b] ولو كان
يعـــــود فـــــــي الهدره فنان
ويــذا قلت عـلـيـــــــــــــك راني نتعلم [b]_________ [/b]
حــــــــــــاكم غير الشط في بحر الحنان
من بعد اما يـــــــــــــــاك راه العز حرم [b]_________ [/b] لا قــيمة
للمـــــال ولا للسلطــــــــان
حملتني تـــسعـــا وهــــــــــــي تتألم [b]_________ [/b] تــــــــرجا في
وينتا لـلــــنــاس انبان
وانـــايــــا محفوظ فــــــــي قصر مروم [b]_________ [/b] نتغدى
مـــــــــن دمها مــــــاني حيران
كي نتخبط في حــــــــشــــــــاها تتعدم [b]_________ [/b] طعم الموت
يــــــــــزورها فــي غير اوان
حسبت عـــــــــــــــاشورا وزادت محرم [b]_________ [/b]
فــــــــــــاتو تسع شهور كامل يا لحسان
يــــــــــــــــا معتاه نهار عداتو في الغم [b]_________ [/b] مـــــا ضحكت
حتان سلكت فـــــــي لمان
الحمد لله رب كـــــــــــــــــــي سلم [b]_________ [/b] أعوذ بالله
مــــــــــــــــن شر الشيطان
بسم الله نعطيك مـــــــــــــن صدري تجقم [b]_________ [/b] حقك
يـــــــــــــــا ولدي مقدر بالميزان
مـــــــن عند الإلـــــــــه مخدوم معقم [b]_________ [/b]
مــــــــــــــا خدمو لا روس ولا ماريكان
تفرح بـــــــي كــــــــــي نولي نتبسم [b]_________ [/b] يـــــــا ربي
تحميه مـــن شـــــر المعيان
وكبرت ووليت في أمــــــــــــــري نحكم [b]_________ [/b]
مـــــــــــــــا ينقصني مال لا صحة لبدان
وبــــــــــــــــدا ذاك الحب فينا يترسم [b]_________ [/b]مـــــــــا يدخل
بيناتنا حتى فـــتــــــــــان
ذرك مــــــــــــــا ولات كي ظـل المرسم [b]_________ [/b] عـــــــــــوض
الشمس اللي تـلاحت للمسيان
شـــــاب الراس طاحت الــــــركبه والفـــم [b]_________ [/b]
ســـــــــــــــافر ذاك القد والـزين الفتان
عـــــــــــــادت كي ليشير ديـــما تتظلم [b]_________ [/b] حست
بــــــــــــالحقرا وحست بــالنسيان
يــــــــــــــاميمه نفديك بــالروح وبالدم [b]_________ [/b] نخضعلك
جــــــهــــــار مــن بعد الرحـمن
والله مـــــــــــــا ننساك والخالـــق يعلم [b]_________ [/b] ولا نسمح فيك
يــــــــــــــا مـومو لعيان
واللي لاح اميمتو راهـــــو ظـــــــــــالم [b]_________ [/b] يخدم يردم
مــــــــايعليش البنــــــــيــان
يـــــــــــــــا ولدي نوصيك لا كانك تفهم [b]_________ [/b] عــــــــــاشر
والديك بــــــــــالبر ولحسان
لا تعصي باباك وتهلا فـــــــــــــــي الأم [b]_________ [/b] حافظ عنها
كــــــــــي الــــوردة وسط جنان
بـــــــــــــــلا كش يغويك شيطانك تندم [b]_________ [/b]
تــــــــــــــا خذ فيها راي من مخزي شيطان
تدفنها حيه وهــــــــــــــــــي تتكلم [b]_________ [/b] ترميها
فــــــــــــــــي دار بين أربع حيطان
ثم هــــــــــــــــــذا راي مولاه يخمم [b]_________ [/b] يحسب روحـــو
دار حسنه في الميـــزان
واقرا للـــــرسول قـــولو يــــــــا مسلم [b]_________ [/b] تــحـــت
اقــــــــدام امــاتــا جنة رضـوان
واحذر مــــــــــن مسمارها راه يـــــعدم [b]_________ [/b] ويخلي
مــــــــــــــــــولاه ضحكه للعديان
نختم هـــــــــــــــذا القول والسامع يحكم [b]_________ [/b] والفـــــاهم
مـــاهــوش محـــتــــاج للبيان

تقبلوا تحياتي وأتمنى أنكم استمتعكم واستفدكم الحكم من كل قصيدة

[/b][/b]